Мөнх хөх тэнгэр өвөл хаачдаг вэ?

Дэлгэр сайхан цагт хөх тэнгэрийн үр сад гэж бид бардам бодох ч өвөл ирэхтэй зэрэгцэн тулгардаг өнөө л бидний мэдэх асуудлууд шийдэл үгүй хэвээр. Дахин нэг өвөл зуныг хүлээж тэсэж өнгөрөх? Тэсгэл алдах үед түрхэн зуурын шийдлээр өөрсдийгөө сатааруулах?
Уран бүтээлч Э.Лхагвадорж монголын нийгэм дэх улирлын настай асуудлууд, түүний үнэн төрхийг сүүлийн 15 жилийн туршид тасралтгүй зоригтойгоор өгүүлж байна. “Супермаркет” сэдвийн дор хаясан нэгэндээ хог байж болох ч түүгээр амьдардаг хүмүүс байгааг үзэгчдэд сануулж буй нь бидний замбараагүй хэрэглээ, түүний хор уршиг байгальд ямар аюул
учруулж байгааг өгүүлнэ. Донтолт, ядуурал зэрэг хэдийн “танил” болсон сэдвүүд ч мөн дурдагдсан нь шийдэл үгүйгээр үргэлжилж байгаа аюулыг мөн сануулжээ.
“Мөнх хөх тэнгэр өвөл хаачдаг вэ?” үзэсгэлэн өвөл бүр дахин сөхөгддөг бодит байдлын тухай өгүүлнэ. Өөрчлөгдөн хувьсаж буй бидний үнэ цэн, амьдрах биш тэмцэх болсон бодит байдал, цааш хэр удаан үргэлжлэх нь мэдэгдэхгүй энэ асуудалд бид ямар өөрчлөлтийг авчрах хэрэгтэйг үзэгч та хариулах болов уу?