Бидний тухай

Мангаламын Нацагсүрэн нь Лхам галерейн үүсгэн байгуулагч ба хайртай эмээгийнхээ нэрээр галерейгаа нэрлэсэн.

Лхам галерей уран бүтээлчдийн үзэсгэлэнг дэглэж тавихаас гадна тэдний уран бүтээлийг Монгол болон гадаад улс оронд таниулан сурталчлах олон талт цогц хөтөлбөрүүд, арга хэмжээнүүдийг идэвхжүүлэх замаар үзэгчид ба уран бүтээлчдийг холбох ажлуудыг төлөвлөн хэрэгжүүлж байна. Мөн залуу үеийг соён гэгээрүүлэх чиглэлээр Монгол болон олон улсын эрдэмтэн, зохиолч, уран бүтээлч нартай хамтран олон нийтэд нээлттэй лекц, семинарыг зохион байгуулах боломжийг бүрдүүлж ажиллаж байна. 
Галерейгээр дамжуулан Монголын залуу үед Монгол орны болон Төв Азийн урлаг соёлыг сурталчлан, таниулж, түгээн дэлгэрүүлэх үйл ажиллагаа явуулж байгаа соёл урлагийн салбарын шинэ галерейнуудын нэг билээ.